“Бу бизнинг Ўзбекистон билан халқаро лойиҳадаги илк тажрибамиз”
Тошкентда “Марко Поло” ҳужжатли фильми намойиш қилинди.
Кеча “Sevimli” телемедиа-мажмуасининг анжуманлар залида “Маданий мерос – Италия ва Ўзбекистон ўртасидаги кўприк” медиа-тадбири бўлиб ўтганди.
Тадбирда Италия ва ўзбек кинематографлари ҳамкорлигидаги лойиҳалар – “Марко Поло” ҳамда “Хўжа Насриддин” ҳужжатли фильмлари намойиши ҳам ўтказилди.
“2022 йилда бизнинг V&Cо телекомпаниямиз Марко Поло ҳақида, унинг Ўзбекистон ҳудуди орқали Италиядан Осиёга бўлган ажойиб саёҳати ҳақида ҳужжатли фильм суратга олди. Бу бизнинг Ўзбекистон Республикаси Кинематография агентлиги ва президенти Пинакотека Бре́ра директори Др. Жеймс М. Бредберн бўлмиш Associazione Circles Squared (Италия) билан ҳамкорликдаги халқаро лойиҳадаги илк тажрибамиз эди. Бу тажриба бизни Ўзбекистон Кинематография агентлиги билан биргаликда Хўжа Насриддин ҳақида янги лойиҳа яратишга илҳомлантирди. Бу Миланнинг энг қадимги қўғирчоқ труппаси – Cарло Cолла & Figli қўғирчоқ театри актёрлари ва қўғирчоқлари иштирокидаги жуда ноодатий фильм бўлади”, – деди V&CО телекомпанияси продюсери Алёна Михайлова.
