Мукаррама Турғунбоева ҳақида фильм суратга олинди
У “Ўзбек санъати дарғалари” туркуми остида яратилган.
Кинематография агентлиги буюртмасига биноан "Ҳужжатли ва хроникал фильмлар киностудияси" томонидан “Ўзбек санъати дарғалари” туркуми остида “Мукаррама Турғунбоева” номли ҳужжатли фильмнинг монтаж ва овозлаштириш ишларини ниҳоясига етди.
Фильмда Мукаррама Турғунбоевани яқиндан таниган, у билан кўп йиллар ёнма-ён туриб халқ хизматида бўлган шогирдлари устозларининг ҳаёт йўли ва ижоди ҳақида интервьюлари жой олган. Уларнинг устозлари ҳақидаги хотиралари, ретродан ўринли фойдаланилгани фильмни ҳиссиётларга бой, жонли ва таъсирли чиқишига катта ҳисса қўшган.
Фильмнинг сценарий муаллифи ва режиссёр Илҳом Ҳайдаров, оператор Самижон Суннатиллоев, овоз режиссёри Абдуқаҳҳор Каримов, муҳаррир Камола Йўлдошева, фильм директори Акромали Абдуллаев.
