Амир Темур даврининг ноёб ёдгорликларидан бири қаерда?
WOSCU бу бўйича қизиқарли маълумотни тақдим этди.
Қашқадарё вилояти Шаҳрисабз шаҳрининг жануби-шарқий қисмида жойлашган "Дор ус-содот" меъморий мажмуасининг асосий ёдгорлиги Жаҳонгир (ёки Ҳазрати Имом) мақбарасидир.
Йўқотишларга қарамасдан, у ўзида маҳобатли иншоотни ифода этади, Амир Темур даврининг ноёб ёдгорликларидан бири сифатида танилган. Руи Гонзалес де Клавихонинг ёзишича, "Дор ус-содот" мақбаралар ва қадамжолардан иборат бутун бошли мажмуани ўзида гавдалантирган. Буни қуйидаги суратлардан ҳам кўриш мумкин.Мавзу доирасида батафсил “Ўзбекистон маданий мероси жаҳон тўпламларида" лойиҳасининг “Ўзбекистон обидаларидаги битиклар” нашри остида чоп этилган Қашқадарё вилоятига бағишланган китоб-альбомида танишишингиз мумкин.
Ушбу лойиҳа WOSCU билан ҳамкорликда аалга оширилмоқда.
