Саудия клуби Лукаку билан шартнома имзолаши мумкин
Футболчига қизиқаётган жамоанинг номи ошкор қилинмаган.
"Рома" ҳужумчиси Ромелу Лукаку фаолиятини Саудия Арабистони чемпионатида давом эттириши мумкин.
Манбага кўра, бельгиялик ҳужумчига Саудия Арабистонининг номи ошкор этилмаган топ-клуби қизиқмоқда. Эслатиб ўтамиз, 30 ёшли бельгиялик футболчининг ижара муддати мавсум охиригача, бироқ Лондон клуби футболчи билан ҳисобланмаслиги, форварднинг ўзи эса жамоага қайтишни режалаштирмаётгани ҳақида аввалроқ хабар берилганди.
Жорий мавсумда 30 ёшли форвард 36 учрашувда 18 та гол урди ва 4 та голли узатмани амалга оширди. Бельгияликнинг «Челси» билан шартномаси 2026 йилгача мўлжалланган.
