Мисрда икки поезд тўқнашди: 64 киши жароҳатланди
Ҳалок бўлганлар бор-йўқлиги ҳозирча аниқланмаган.
Мисрнинг Гиза вилоятида икки йўловчи поезди тўқнашиб кетди. Ҳодиса оқибатида 64 киши жароҳатланган, ҳалок бўлганлар бор-йўқлиги ҳозирча маълум эмас.
Тўқнашув 8 ноябрь куни Қоҳира яқинидаги Ал-Айят туманида содир бўлган. Гиза ва Фаюм шаҳарлари ўртасида ҳаракатланаётган поезд Қоҳира–Асвон йўналишидаги бошқа поезднинг орқа қисмига бориб урилган. Зарба оқибатида поездлардан бири рельсдан чиқиб кетган.
Миср Соғлиқни сақлаш вазирлиги маълумотига кўра, жароҳатланганлар яқин атрофдаги шифохоналарга олиб борилган. Ҳодиса жойига вайроналарни тозалаш ва поездлар ҳаракатини тиклаш учун қутқарув гуруҳлари ҳамда кранлар юборилган.
Маълумот учун, ўтган йил сентябрь ойида ҳам Ал-Айят туманида иккита юк поезди тўқнашиб кетган. Ўшанда машинист ва унинг ёрдамчиси жароҳатланган.
