Ўзбекистонда сув ресурслари тобора камайиб бормоқда
Бунга қайси омиллар сабаб бўляпти?
Аҳоли сони йилдан йилга ўсмоқда. Табиийки, сув истеъмоли ҳам катта суръатларда кўпайиб боради.
Ўзбекистонда бир йилда ишлатиладиган сувнинг 20 фоизигина республика ҳудудида шаклланади. Қолган 80 фоизи Тожикистон ва Қирғизистондан келадиган дарёлардаги сувга боғлиқ. Аммо бу икки мамлакатнинг ҳам ўз манфаатлари бор. Ҳар иккала давлат электр-энергиясини дарёлар бўйида қурилган ГEСлардан олади.
Иқлим ўзгариши оқибатида мамлакат ҳудудидаги табиий сув ресурслари тобора камайиб бормоқда. Қолаверса, қишда ёғингарчиликнинг камайиши, ёзнинг нормадан иссиқ бўлиши сув истеъмоли ҳажмларига ҳам таъсир қилмоқда.
