Президент мактаби битирувчиси Ҳарвардга ўқишга кирди
У, шунингдек, IELTS имтиҳонидан 8,5 балл олган.
Тошкент шаҳридаги Президент мактаби ўқувчиси Абдулазиз Собиров 354 000 долларлик грант билан Ҳарвард университетига ўқишга қабул қилинди.
Шунингдек, Абдулазиз АҚШнинг бакалавриат коллежлари орасида 11-ўринни эгаллайдиган Гриннелл коллежининг 300 000 долларлик грант асосидаги қабул хатини ҳам қўлга киритган.
Абдулазиз Собиров IELTS имтиҳонидан 8,5 балл ҳамда SAT халқаро имтиҳонидан 1560 балл соҳибидир. Шунингдек у “Заковат ўқувчилар лигаси” 2022-2023 мавсуми мутлақ ғолиби — “Et Cetera” жамоаси аъзоси, PIIMA “Заковат” турнири бўйича 2-ўрин соҳиби, “Vice-head of The United student” вице-президенти ҳамда PSAD клуби асосчиларидан бири ҳисобланади.
