Фарғонада ҳайдовчини ЙПХ ходимлари олиб кетди
Ҳолат юзасидан расмийлар изоҳ берди.
Ижтимоий тармоқларда Фарғона вилоятида ЙПХ ходими ҳайдовчини мажбуран олиб кетаётган видеоси тарқалди. Ҳолат юзасидан вилоят ИИБ расмий муносабат билдирди.
Қайд этилишича, 30 март куни Фарғона шаҳар “Ал-Фарғоний” кўчасида “Nexia 3” ҳайдовчиси автобус бекатида тўхтаб, йўл ҳаракати қоидаларини бузиб турганлиги сабабли ЙПХ инспектори томонидан қоидабузарлик юзасидан маъмурий баённома расмийлаштириш вақтида ҳайдовчи унинг қонуний талабига бўйсунмасдан, тегишли ҳужжатларини тақдим қилмаган ва транспорт воситасини вақтинчалик жарима майдонига олиб кетилишига қаршилик қилган.
Шундан сўнг ҳайдовчи ЙПХ инспекторлари томонидан Фарғона шаҳар ИИБга олиб борилган ва қоидабузарлиги юзасидан маъмурий баённома расмийлаштирилган.
Ҳозирда ушбу ҳолат юзасидан қўшимча ўрганиш ишлари олиб борилмоқда
