Титаникка тегишли яна бир буюм сотувга қўйилди
Мутахассислар унинг ҳақиқийлигини исботлаш учун етти йил давомида тадқиқот олиб боришди.
Чўкиб кетган Титаник кемасидаги оркестр раҳбарига тегишли скрипка корпуси Буюк Британияда ким ошди савдосида сотилади. Тахминий нархи 100-120 минг фунт стерлинг ёки 126-151 минг долларни ташкил қилади.
Скрипка солинган чарм қути Титаник чўкиб кетганидан бир неча кун ўтиб топилганди. У марҳумнинг келини Мария Робинсонга берилган. Кейинчалик аёл скрипкани Нажот армиясининг Британия бўлимига совға қилди.
40 йилларда Нажот армияси аъзоларидан бири буюмни ўз шогирдига корпусдан алоҳида берди. Шундан сўнг, скрипка деярли юз йил давомида йўқолган деб ҳисобланган. У фақат 2006 йилда яна топилган. Шу билан бирга, мутахассислар унинг ҳақиқийлигини исботлаш учун етти йил давомида тадқиқот олиб боришди. 2013 йилда корпус деярли 1,5 миллион долларга тушди.
