Тошкентда Spark аварияга учраб, ағдарилиб кетди
Оқибатда ҳайдовчи жароҳатланган.
Бугун, 6 апрель куни Тошкент шаҳрининг Шайхонтоҳур туманида иккита автомашина иштирокида йўл-транспорт ҳодисаси юз берди. Бу ҳақда шаҳар ИИББ ЙҲХБ хабар бермоқда.
Ҳолат соат 15:20 ларда Шайхонтоҳхур тумани Фурқат кўчасида юз берган. Унда 1999 йилда туғилган Ж. М. бошқарувидаги Lacetti ҳамда 1997 йилда туғилган А. Қ. бошқарувидаги Spark ўзаро тўқнашиб кетган.
ЙТҲ оқибатида Spark русумли автомашина ҳайдовчиси А. Қ. га тез тиббий ёрдам ходимлари томонидан биринчи ёрдам кўрсатилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
