“Фильм ўғриларига чора кўриш керак”
Ўғринча тарқатилаётган фильмга депутат муносабат билдирди.
Олий Мажлис Қонунчилик палатаси депутати Ойдин Абдуллаева ўзининг Facebook саҳифасида қирғиз кино санъати ижодкорларининг меҳнатини қадрсизлантираётганларга нисбатан қатъий чора кўришни таъкидлади.
“Жаннат оналар оёғи остида” номли бадиий фильмни кинотеатрдан ўғринча тасвирга олиб, уни ижтимоий тармоқларда тарқатган шахслар аввало ўзининг, ундан кейин мамлакатимизнинг шаънига доғ туширадиган хатти-ҳаракатларни амалга ошираётганини тушуниб етиши керак", — деди Абдуллаева.
Депутат санъат ва маданиятимизни ривожлантириш учун аввало интеллектуал мулк ҳуқуқи ҳимоясини кучайтириш лозимлигини таъкидлаган.
"Ўзганинг асарини ўғринча кўчириб тасвирга олган ва тарқатганларга нисбатан жазо қўллаш тўғрисидаги ҳуқуқий меъёрни қонун билан мустаҳкамлаш вақти келди" — дея қўшимча қилган Олий Мажлис депутати.
