Самарқандда Сobalt ўқувчини уриб юборди
Воқеадан сўнг қиз шифохонага ётқизилган.
Самарқандда Сobalt ҳайдовчиси мактаб ўқувчисини уриб юборди. Бу ҳақда вилоят ИИБ ЙҲХБ хабар берди.
Қайд этилишича, 29 апрель куни соат 17:00 атрофида Самарқанд шаҳар Ўзбекистон кўчасида Cobalt ҳайдовчиси йўлнинг белгиланмаган қисмидан ўтаётган 8-синф мактаб ўқувчисини уриб юборган.
ЙТҲ натижасида вояга етмаган мактаб ўқувчиси тан жароҳатлари олиб шифохонага ётқизилган.
Мазкур ҳолат юзасидан ҳозирда Самарқанд шаҳар ИИО ФМБ ЖХХ ЙҲХБ томонидан дастлабки суриштирув ҳаракатлари олиб борилмоқда.
