Мадоннанинг концертига 1,6 млн одам йиғилди
Бу унинг карьерасидаги рекорд ҳисобланади.
Мадоннанинг 4 май, шанба куни Рио-де-Жанейродаги пляжда бўлиб ўтган шоусига 1,6 миллион томошабин тўпланди. Бу қўшиқчининг ижодий фаолиятидаги рекорд натижа ҳисобланади.
Маълумотларга кўра, концертга кириш бепул бўлган. Унга бошқа шаҳарлардан мухлислар ҳатто бир неча кун олдин етиб келишган. Пляж қумликлари ҳақиқий рақс майдонига айланган.
Эслатиб ўтамиз, бундан олдин Мадоннанинг энг машҳур шоуси 1987 йилда Париждаги концерт бўлиб ўтганди, унга 130 минг киши ташриф буюрган.
