Самарқандда бола ўғрилари пайдо бўлдими?
Тармоқда тарқалган хабарлар юзасидан изоҳ берилди.
Ижтимоий тармоқда Самарқанд вилояти ҳудудида бола ўғрилари аниқлангани тўғрисидаги хабарлар тарқалмоқда. Ҳолат юзасидан вилоят ИИБ расмий муносабат билдирди.
Таъкидланишида, ушбу хабарлар асоссиз ва ҳақиқатдан йироқ. Видеодаги ҳолат 2024 йил 13 май куни соат 21:00 лар атрофида Жомбой тумани Қўлбости маҳалласида содир бўлган.
Тошкент вилояти Чиноз туманида яшовчи фуқаро S.A. ижтимоий тармоқлар орқали танишган аёлнинг Жомбой тумани Қўлбости маҳалласидаги яшаш уйига келган вақтида аёлнинг яқинлари уни ушлаб олиб, уриб тан жароҳати етказган.
Ҳозирда ҳолат юзасидан Жомбой тумани ИИБ томонидан терговга қадар текшириш ҳаракатлари олиб борилмоқда.
