Черчиллнинг чўнтак соати аукционда сотилди
У 18 каратли олтиндан ясалган.
Буюк Британиянинг собиқ бош вазири Уинстон Черчиллга тегишли чўнтак соати кимошди савдосида сотилди. У 76 минг фунт стерлингга баҳоланди.
Соат 18 каратли олтиндан ясалган. Унда Уинстон Черчиллнинг имзоси ҳам бор. Соатнинг ички корпусида “1905 йил Рождество байрами учун Уинстонга миннатдорчилик билан” деган ёзувни ҳам кўриш мумкин.
Бу соат Уинстон Черчиллнинг 1904 йилда Либерал партияга ўтганида “жасур ҳаракати” учун совға қилинган. У Буюк Британиядаги хусусий коллекционерга топширилди.
