“Саидазиз медгородок” 6 та модда бўйича айбланмоқда
Саидазиз Саидалиев ва бошқа шахсларга нисбатан суд куни белгиланди.
“Адолат” ахборот тизимлари комплексининг суд мажлислари жадвалига кўра, “Саидазиз медгородок” ҳамда яна 28 кишига нисбатан суд мажлиси 11 июнь куни соат 10:00 да жиноят ишлари бўйича Юнусобод туман судида бўлиб ўтади.
Судланувчиларнинг аксарияти товламачилик, фирибгарлик, безорилик, пора бериш, ўғрилик, ўлдириш ёки зўрлик ишлатиш билан қўрқитиш каби қатор жиноятларда айбланмоқда.
Жумладан, Саидазиз Саидалиев Жиноят кодексининг 165-моддаси 3-қисми “а” ва “в” банди (Товламачилик), 165-моддаси 3-қисми “в” банди (Товламачилик), 168-моддаси 4-қисми “а” ва “в” банди (Фирибгарлик), 211-моддаси 3-қисми “а” ва “в” банди (Пора бериш), 242-моддаси 1-қисми (Жиноий уюшма ташкил этиш), 243-моддаси (Жиноий фаолиятдан олинган даромадларни легаллаштириш), 277-моддаси 2-қисми “б” ва “в” банди (Безорилик), 277-моддаси 3-қисми “а” банди (Безорилик) билан айбланмоқда.
