800 минг сўмга Notcoin сотган талаба қамалди
У ТерДУ битирувчиси бўлган.
7 июнь куни жиноят ишлари бўйича Тошкент шаҳар Чилонзор туман судида крипто-активлар айланмаси соҳасидаги қонунчиликни бузган талаба йигитга жазо тайинланди.
Маълум бўлишича, 24 ёшли И.Н. ўзига тегишли телефон ва пластик картада крипто активларнинг ноқонуний фаолияти билан шуғулланганлиги аниқланган.
Суд мажлисида И.Н. Notcoin крипто-активини 800 минг сўм эвазига сотганлигини, бунинг ноқонуний эканлигини билмаганлигини, оилада ягона боқувчи эканлигини маълум қилиб, енгиллик беришни сўраган.
ЖИБ Чилонзор туман судида И.Н. МЖтК 155-4-моддасининг (крипто-активлар айланмаси соҳасидаги қонунчиликни бузиш) 1-қисмида назарда тутилган ҳуқуқбузарликларни содир этганликда айбли деб топилган ва унга нисбатан 10 сутка маъмурий қамоқ жазоси тайинланган.
