Сурхондарёда Nexia ёниб кетди
ЙҲХБ ҳолат бўйича маълумот берди.
Сурхондарё вилояти Жарқўрғон туманида Nexia ёниб кетди. Ҳолат юзасидан вилоят ИИБ ЙҲХБ маълумот берди.
Ҳодиса 7 июнь куни соат 17:00 ларда Жарқўрғон тумани “Бешбулоқ” МФЙ ҳудудидан ўтган автомобиль йўлида содир бўлган. 1995 йилда туғилган ҳайдовчи Nexia русумли транспорт воситасини “Жарқўрғон-Какайда” йўналишида бошқариб келиб, йўлнинг ўнг томонига тўхтаб, чапга қайрилиб олиш вақтида ўзи билан бир йўналишда ҳаракатланиб келаётган Nexia-2'нинг ҳаракат йўналишига чиқиб кетиб тўқнашган.
Ҳодисада Nexia-2 русумли транспорт воситасида ёнғин юзага келган. Олиб борилган тезкор чоралар натижасида ёнғин бартараф этилган. Йўл-транспорт ҳодисаси оқибатида иккала транспорт воситасида бўлганларда тан жароҳати ва ўлим ҳолатлари кузатилмаган.
