Жиззахда 50 та машина шинаси ёниб кетди
Ҳолат бўйича ФВБ маълумот берди.
Қайд этилишича, ҳолат бугун, 10 июн куни соат 12:20 да Жиззах шаҳар “Улуғбек” МФЙда юз берган. Шу маҳаллада жойлашган МЧЖ ҳудудидаги очиқ майдондаги яроқсиз ҳолга келган тахминан 50 дона автомобиль шиналари ёнган.
Воқеа жойига 2 та ёнғин-қутқарув экипажи соат 12:27 да етиб бориб, соат 12:31 да қуршаб олинган ва соат 12:49 да ёнғин тўлиқ бартараф этилган.
Ҳодиса оқибатида фуқароларнинг тан жароҳати олиш ва ҳалок бўлиш ҳолатлари қайд этилмаган.
