Тошкентда тунда кучли чақнаш кузатилди
Ҳолат бўйича расмий маълумот берилди
Ижтимоий тармоқларда Тошкент шаҳар Юнусобод туманида юқори кучланишли симёғочда қисқа туташув содир бўлганлиги ҳақида мурожаат эълон қилинди. “Тошкент шаҳар электр тармоқлари корхонаси” АЖ ҳолат бўйича маълумот берди.
Қайд этилишича, кеча, 10 июнь куни кеч соат 23:59 да Юнусобод тумани ҳудудида жойлашган подстанция «Акса»дан подстанция «Сокин»гача узунлиги 13 кмга яқин бўлган юқори кучланишли электр узатиш ҳаво тармогидаги эски симлар янги замонавий русумдаги ҳаво тармоғига алмаштириш ишлари олиб борилган.
Тунда таъмирлаш ишлари якунлангач, ҳаво тармоғига кучланиш берилганда, ҳудуддаги 25-устун (опора)даги эски фарфор чиғаноқ муддати ўтганлиги боис юқори кучланишда цинган.
Айни вақтда, “Тошкент шаҳар электр тармоқлари корхонаси” МЧЖнинг Юқори кучланишли тармоқларини эксплуатация қилиш хизмати томонидан юқори кучланишли устунлардаги фарфор чиғаноқлар янги шиша чиғаноқларга алмаштирилмоқда.
