Самарқандда Damas ва Cobalt тўқнашиб кетди
Ҳолат бўйича вилоят ИИБ маълумот берди.
Бугун, 13 июнь куни Самарқанд вилоятининг Булунғур туманида одам ўлими билан боғлиқ йўл-транспорт ҳодисаси юз берди.
Вилоят ИИБ хабарига кўра, ҳолат соат 06:30 ларда Булунғур тумани Олмазор МФЙ ҳудудида содир бўлган. Унда Damas ҳайдовчиси Тошкент-Самарқанд йўналишида қарама-қарши томондан ҳаракатланиб келаётган Cobalt русумли автомобилга олд томонидан келиб урилган.
Оқибатда Damas ҳайдовчиси олган тан жароҳатлари сабаб шифохонага олиб кетилаётганда вафот этган.
Ҳозирда мазкур ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.
