Самарқандда дарахт кесган фуқаро 9 млн жаримага тортилди
У боғчадаги соғлом теракларни кесиб ташлаган.
Самарқанд вилояти Нарпай туманида ноқонуний дарахт кесилиши билан боғлиқ ҳолат аниқланди. Бу ҳақда Экология вазирлиги хабар берди.
Қайд этилишича, фуқаро У.И. туманнинг Исломобод маҳалласида жойлашган 6-сонли давлат мактабгача таълим муассасаси ҳудудида соғлом теракни кесиб ташлаган.
Ушбу ҳолат юзасидан ҳуқуқбузарга нисбатан МЖтКнинг 79-моддаси 1-қисми билан маъмурий баённома расмийлаштирилиб, табиатга етказилган 1 020 000 сўм зарар ва БҲМнинг 25 баравари, яъни, 8 500 000 сўм миқдорида жарима қўлланилган.
