Фарғонада “Laсetti”нинг газбаллони портлади
Ҳодиса оқибатида, атрофдагилардан бир неча киши тан жароҳати олган.
Фарғона вилояти Риштон туманида тўхтаб турган “Laсetti”нинг газбаллони портлаб кетган. Вилоят ФВБ ахборот хизматининг хабар беришича, ҳодиса бугун, 27 июн куни соат 11:40 ларда содир бўлган.
Риштон тумани, “Марказ” МФЙ ҳудудидаги деҳқон бозори олдида турган “Laсetti” машинасининг метан газбаллони портлаб кетган.
Портлашдан сўнг ёнғин юз берган ва машина ёниб кетган. Портлаш вақтида машина ичида ҳеч ким бўлмаган. Бирламчи маълумотга кўра портлаш оқибатида машина атрофидаги шахслар турли даражада тан жароҳати олган.
Ёнғин Риштон тумани ФВБ ёнғинга қарши кураш бўлими ходимлари томонидан ўчирилган. Ҳозирда ҳолат юзасидан суриштирув ҳаракатлари олиб борилмоқда.
