Жазирама сабаб поездлар тезлигига чеклов киритилди
Бу ҳақида “Ўзтемирйўлйўловчи” АЖ маълум қилди.
Қайд этилишича, ҳарорат кўтарилиши натижасида ерусти темирйўлларининг рельслари ҳамда уларнинг пўлат қисмларида ҳарорат жуда юқори бўлади. Шу боис, йўловчилар ва поездлар ҳаракат хавфсизлигини таъминлаш мақсадида поездлар ҳаракат тезлигига чекловлар ўрнатилади.
Таъкидланишича, тезлигига чеклов ўрнатилган поездлар ҳаракат жадвалидан кечикиб келиши, шунингдек, совитиш тизимининг ишлаш қуввати пасайиши мумкин.
“Ўзтемирйўлйўловчи” АЖ ўз мижозларидан аномал иссиқлик туфайли юзага келиши мумкин бўлган ноқулайликлар учун узр сўраган.
