Сирдарёдаги боғчада 2 ёшли бола вафот этди
Ҳолат бўйича расмий муносабат билдирилди.
7 август куни Сирдарё вилояти Мирзаобод туманидаги боғчаларнинг бирида 2022 йилда туғилган тарбияланувчи тўсатдан вафот этди.
Судга оид тиббий экспертизада боланинг ўлимига нафас йўлларининг овқат массаси билан беркилиши натижасидаги механик асфиксия сабаб бўлганлиги аниқланган.
Ҳолат юзасидан Мирзаобод тумани прокуратураси томонидан терговга қадар текширув ўтказилмоқда.
Воқеа содир бўлган оилавий нодавлат боғча 2023 йилда иш фаолиятини бошлаган, қамрови 25 нафар.
