Энг оғир бақлажон Гиннеснинг рекордлар китобига киритилди
Унинг оғирлиги 3,5 килодан ортиқни ташкил этади.
Дейв Беннет томонидан етиштирилган “Соланум мелонгена” навли бақлажоннинг оғирлиги 3,778 кг ни ташкил қилади.
Ушбу сабзавот уруғи апрель ойида ерга экилган ва 31 июль куни полиздан узилган. Унинг айланаси 71,12 см, баландлиги эса 35,56 см ни ташкил этади.
Боғдорчилик Баннетнинг севимли машғулотига айланиб улгурган. У 4 йилдан бери улкан бақлажонлар етиштиради. Бундан олдин 2,5 кг ҳосил олганди, шундан сўнг унинг уруғидан фойдаланиб, 3 клилою 7 грамм бўлган сабзавот етиштирди.
Маълумот учун, дўконда сотиладиган одатий бақлажонларнинг ўртача оғирлиги 300-400 грамм атрофида бўлади. Рекордчи етиштирган ҳосил эса булардан 10 баравар каттароқ.
