Нетаняҳу Эрон халқига мурожаат йўллади
У эронликларни мамлакатдаги ҳукмрон режимга қарама-қарши қўйган.
“Бир гуруҳ теократлар сизнинг умидларингизни барбод қилишига йўл қўйманг. Сиз бундан яхшироғига лойиқсиз”, — дея таъкидлади Исроил бош вазири.
Нетаняҳу оддий эронликларни мамлакатдаги ҳукмрон режимга қарама-қарши қўйиб, Эрон раҳбарияти уларни кундан-кунга “жарлик томон” яқинлаштираётганини айтди.
“Агар улар сизга ғамхўрлик қилсалар, Яқин Шарқдаги беҳуда урушларга миллионлаб доллар сарфлашни тўхтатадилар. Эрон кўпчилик ўйлагандан анча тезроқ озод бўлади. Кейин эса икки қадимги халқ – яҳудийлар ва форслар тинч-тотув яшайди”, — деди Нетаняҳу ўз мурожаатида.
