0
Бекободда ота ва ўғил ис газидан заҳарланиб вафот этди
Ҳозирда ушбу воқеа сабабларини текшириш бўйича махсус комиссия тузилган.
Бекобод туманидаги хонадонда 2 фуқаро ис газидан заҳарланди. Бу ҳақида туман ҳокимининг қарорида маълум қилинди.
Таъкидланишича, ҳодиса 18 октябрь куни туманнинг Мустақиллик маҳалласидаги хонадонлардан бирида содир бўлган. Заҳарланиш оқибатида 44 ёшли Д.T. ҳамда унинг 12 ёшли ўғли Ф.И. вафот этган.
Туман ҳокими ушбу ҳодиса сабабларини текшириш ва оқибатларини бартараф этиш бўйича қарор чиқарган. Ҳужжат асосида ушбу воқеа сабабларини текшириш бўйича махсус комиссия тузилган.
