Хоразмда бозор ёниб кетди
Ҳолат юзасидан расмий маълумот берилди.
Бугун, 7 ноябрь куни соат 12:53 да Урганч тумани “Шерматлар” МФЙ Гурлан кўчасида жойлашган кийим-кечак савдо дўконларида ёнғин содир бўлганлиги тўғрисида ФВБга хабар тушган.
Шунга кўра, 8 та ёнғин-қутқарув экипажи соат 12:59 да ҳодиса жойига етиб бориб, ёнғин соат 13:20 да ўраб олинган ва соат 13:50 да ўчирилган.
Ҳодиса оқибатида тан жароҳати олган ва вафот этганлар йўқ. Ҳозирда ёнғин сабаби ва келтирилган моддий зарар миқдори аниқланмоқда.
