Самарқандда уйида илон сақлаган эркак аниқланди
У Йўлбарс питони билан мактабларда томоша уюштириб келган.
Иштихон туманида яшовчи фуқаро Б.М Халқаро қизил китобга киритилган Йўлбарс питонини сақлаб келиб, таълим масканларида томошалар қўйиб юргани аниқланди.
Мазкур ҳолат туман ИИБ томонидан аниқланган ва Самарқанд вилоят Экология, атроф-муҳитни муҳофаза қилиш ва иқлим ўзгариши бошқармасига хабар берилган.
Бошқарма ходимлари ҳолат юзасидан тезкор ўрганиш ўтказиши жараёнида мазкур Йўлбарс питони узунлиги 2,78 метр эни 28 см эканлиги маълум бўлди.
Ҳозирда Йўлбарс питони Самарқанд вилоят Экология бошқармаси ҳимоясига олиниб, Зарафшон миллий табиат боғи реабилитация марказида боғ мутахассислари томонидан махсус кўрикдан ўтказилмоқда ва вақтинча сақланмоқда.
