Юн Сок Ёлга импичмент бўйича овоз бериш бошланди
Айрим депутатлар бунга норозилик билдиришган.
Импичмент тўғрисидаги қонун лойиҳасини қабул қилиш учун депутатларнинг учдан икки қисми – 300 тадан 200 таси овоз бериши керак. Парламентда мухолифат партиялари 192 ўринга эга, қолган 108 ўрин президентнинг “Халқ кучи” партиясига тегишли.
“Халқ кучи” партияси депутатлари қонун лойиҳасига овоз беришдан бош тортишди ва норозилик сифатида мажлис залини тарк этишди. Аввалроқ ҳукмрон партиянинг беш нафар депутати қандай овоз беришини ҳали ҳал қилмаганини маълум қилганди.
"195 депутат залда қолиб, овоз беришда қатнашган. Парламент спикери У Вон Сик йиғилишни ёпиқ деб эълон қилмади ва “Халқ кучи” партияси вакилларини йиғилишга қайтиб, овоз беришга чақирди", деб ёзади Yonhap.
