“Самарқанд нони” давлат рўйхатидан ўтказилди
У географик кўрсаткич сифатида белгиланди.
Адлия вазири Акбар Тошқулов Самарқанд вилоят ҳокими вазифасини бажарувчи Адиз Бобоевга “Самарқанд нони” географик кўрсаткич ҳужжатини топширди.
Самарқанд вилоят адлия бошқармаси ва “Интеллектуал мулк маркази” давлат муассасасининг кўмаги билан жорий йилнинг 4 февраль куни дунёга машҳур “Самарқанд нони” географик кўрсаткич сифатида Адлия вазирлиги томонидан давлат рўйхатидан ўтказилди.
Адлия вазири Акбар Тошқулов Самарқанд вилоят ҳокими вазифасини бажарувчи Адиз Бобоевга “Самарқанд нони” географик кўрсаткич ҳужжатини топширди.
“Географик кўрсаткичлар тўғрисида”ги Қонунга кўра, товарни муайян географик объект ҳудудидан келиб чиққан товар сифатида идентификацияловчи белги географик кўрсаткич деб эътироф этилади. Унда товарнинг сифати, ном қозонганлиги ёки бошқа хусусиятлари унинг географик жиҳатдан келиб чиқишига сезиларли даражада боғлиқ бўлади.
Бундан аввал Ғиждувон шашлигини пишириш учун ҳокимиятдан рухсат олиш кераклиги ҳақида хабар берилганди.
