Тошкентда Gentra ҳайдовчиси одамлар устига машина ҳайдади
Ҳолат юзасидан расмий муносабат билдирилди.
Ижтимоий тармоқда Тошкентда Gentra автомашинаси ҳайдовчиси бир нечта фуқароларнинг устига автомашинани бошқаргани акс этган видео тарқалмоқда. Ҳолат юзасидан Тошкент шаҳар ИИББ ЙҲХБ расмий муносабат билдирди.
Унга кўра, соат тахминан 03:20 атрофида Тошкент шаҳар Шайхонтоҳур тумани Тахтапул кўчасида бир неча фуқаролар ўзаро гап талашиб тортишиб қолиши натижасида жанжалашиб кетишган. Жанжал натижасида оқ Gentra автомашинаси ҳайдовчиси бир неча фуқароларнинг устига қараб автомашина бошқарган.
Ушбу жанжалда иштирок этган барча фуқаролар туман ИИБга топширилган, автомашина жарима майдонига жойлаштирилган.
Ҳолат юзасидан Шайхонтоҳур тумани ИИО ФМБ томонидан дастлабки суриштирув ҳаракатлари олиб борилмоқда.
