Фарғонада йўл ўпирилиб тушди
Бунга Фарғона каналида сув сатҳи ортгани сабаб бўлган.
Ижтимоий тармоқда Фарғона вилоятида йўлнинг бир қисми ўпирилиб тушгани ҳақида видео хабарлар тарқалганди. Ҳолат юзасидан расмий маълумот берилди.
Қайд этилишича, жорий йилнинг 23 февраль кунидан 24 февраль кунига ўтар кечаси “Фарғона Халқаси” автомобиль йўлининг Боғдод тумани “Қахат” МФЙ ҳудудидан ўтган 286-илометрида йўлнинг ўнг томонидан оқиб ўтувчи Фарғона каналида сув сатҳи кўпайиб, йўлнинг таг қисмидан сизиб ўтиши натижасида асфальт йўл қопламасида чўкиш юзага келган.
Ҳозирги вақтда мазкур автомобильил йўлининг Қўқон-Фарғона йўналиши бўйича 285-километр ва Фарғона-Қўқон йўналишининг 288-километрларида вақтинчалик ҳаракат чекланиб, йўл чўккан қисмида таъмирлаш ишлари олиб борилмоқда.
