Фарғонадаги компьютер клубида жанжал юз берди
Ҳозирда воқеа иштирокчилари жавобгарликка тортилган.
21 февраль куни Фарғона шаҳри Оқтов кўчасида жойлашган компьютер клубида етти нафар таниш ўйин давомида баланд овозда баҳслашгани сабабли клуб иш бошқарувчиси Ф.X. уларга эътироз билдирган.
Бу ҳолат ўзаро келишмовчиликка сабаб бўлиб, фуқаро O.В иш бошқарувчисининг юзига мушт туширган. Шундан сўнг, унинг шериклари ҳам жанжалга қўшилган.
Ҳозирда ушбу ҳолат юзасидан Жиноят кодексининг 277-моддаси 3-қисми «г» банди бўйича жиноят иши қўзғатилган. Гумонланувчилар O.В, M.Қ ва Н.М.гa нисбатан қамоққа олиш тарзидаги эҳтиёт чораси қўлланган.
Шунингдек, жанжалда иштирок этган яна уч кишига нисбатан маъмурий баённома расмийлаштирилган. Мазкур ҳолат вилоят ИИБ томонидан назоратга олиниб, қонуний чора кўрилиши таъминланади.
