Тошкентда эркак итлар ҳужуми сабаб вафот этдими?
Тарқалган хабарлар юзасидан расмий изоҳ берилди.
Ижтимоий тармоқларда Тошкентда бир тўда итлар катта инсонга ҳужум қилгани ва шунинг оқибатида у вафот этгани айтилган хабарлар тарқалмоқда. Ҳолат юзасидан шаҳар ҳокимлиги расмий муносабат билдирди.
Қайд этилишича бугун, 3 март куни Қорақамиш мавзесининг 2/4-кварталида яшовчи 1966 йилда туғилган Л.У. вафот этган. Ўлим сабаби — ўткир юрак-қон томир етишмовчилиги.
“Ҳеч қандай итлар ҳужуми содир бўлмаган. Шаҳар аҳолисини ваҳимага тушмасликка ва нотўғри маълумотларни тарқатмасликка чақирамиз”, - дейилади хабарда.
