Олимлар Венерада ҳаёт мавжудлигини аниқлашди
Ҳаёт мавжудлигини исботловчи янги илмий тенглама тақдим этилди.
Венера одатда жонсиз сайёра деб қабул қилинса ҳам, олимлар у ерда ҳаёт шакллари мавжуд бўлиши мумкинлиги ҳақида янги илмий тенглама ишлаб чиқишди. Ушбу тадқиқот 2025 йилги Ой ва сайёралар илмий конференциясида (ЛПСС) тақдим этилди.
Тадқиқотчилар ишлаб чиққан "Венерадаги ҳаёт тенгламаси" уч асосий омилга асосланган:
- Пайдо бўлиш эҳтимоли – ҳаёт шакллари ҳосил бўлиши мумкинлиги.
- Барқарорлик – мавжуд экотизимларнинг узоқ муддат яшаши.
- Давомийлик – яшаш учун зарур ресурсларнинг етарлилиги.
Венера кескин иқлим ўзгаришларига учраган бўлса ҳам, олимлар сайёрада илгари океанлар мавжуд бўлган ва ибтидоий ҳаёт шакллари пайдо бўлиши мумкинлиги ҳақида тахмин қилишмоқда. Шунингдек, Венера атмосферасининг юқори қатламларида (50 км баландликда) яшаш учун қулай шароитлар сақланиб қолган.
Бу янги тенглама машҳур Драке тенгламаси каби, ҳаёт эҳтимолини баҳолашга қаратилган. Олимлар ушбу моделдан нафақат Венерада, балки бошқа экзосайёраларда ҳам ҳаётни қидиришда фойдаланмоқчи.
