Хоразмда сохта трейдер қўлга олинди
У мингдан ортиқ одамни алдаб, уларнинг пулини “кўпайтириб беришини” ваъда қилган.
Хоразм вилоятида одамларни тез бойитиш ваъдаси билан чув туширган шахс қўлга олинди. У ижтимоий тармоқлар орқали мингдан ортиқ одамни алдаган. Жабрланганлардан бири 20 миллион сўмини йўқотганини айтмоқда.
Сохта трейдернинг яшаш манзилидан 96 та телефон, 1171 та банк картаси ва 343 та СИМ-карта топилган. У Телеграм орқали одамларни трейдингга жалб қилиб, қисқа вақт ичида пулни кўпайтириб беришини ваъда қилган, аммо кейин уларни блоклаган.
Ҳозирда ҳуқуқ-тартибот идоралари тергов-суриштирув ишларини олиб бормоқда. Жабрланганлар сони ошиши мумкинлиги тахмин қилинмоқда.
