Германия армияси 2029 йилгача жанговар ҳолатга келтирилади
Бундесвер сафарбарлик режасини эълон қилди.
Германия Қуролли Кучлари бош қўмондони Карстен Бреернинг сўзларига кўра, мамлакат армияси 2029 йилга бориб тўлиқ жанговар тайёргарликка эга бўлиши керак.
Бреернинг таъкидлашича, асосий мақсад – фаол хизматдаги ҳарбийлар сонини 200 минг нафарга етказишдир. Ҳозирда Германияда 60 минг кишилик доимий захира мавжуд бўлиб, бу сон ҳам оширилиши кутилмоқда.
Унинг фикрича, глобал хавфсизлик муҳитининг беқарорлиги шароитида Бундесвер (Германия армияси) европалик ҳамкорлар билан бир қаторда ўзининг ҳарбий салоҳиятини ошириши ва НАТО мажбуриятларига тайёр бўлиши муҳимдир.
