Америкада яна самолёт қулаб тушди
Ҳодиса оқибатида 4 киши ҳалок бўлган.
АҚШнинг Иллинойс штатида бир двигателли самолётнинг қулаши оқибатида тўрт киши ҳалок бўлди. Бу ҳақида ҳуқуқ-тартибот идоралари маълумотларига таяниб, маҳаллий нашрлар хабар бермоқда.
Қайд этилишича, самолёт 19 апрель куни Иллинойс штати марказидаги далага қулаб тушган ва бортда бўлган барча одам ҳалок бўлган.
АҚШ Миллий Транспорт хавфсизлиги кенгашининг дастлабки маълумотларига кўра , самолёт қулаганида электр узатиш тармоғига бориб урилган.
Ҳозирда ҳодиса сабабларини аниқлаш бўйича тергов ҳаракатлари олиб борилмоқда.
