Олимлар атиргулларнинг асл рангини аниқлашди

 

Хитойнинг Пекин ўрмон хўжалиги университети олимлари ўтказган генетик тадқиқот натижасида бугунги кунда мавжуд бўлган барча атиргул навлари оддий сариқ рангли битта гулдан келиб чиққани маълум бўлди.

 

Тадқиқотчилар 80 турдаги атиргулни ифодаловчи 205 намунани таҳлил қилиб, уларнинг умумий аждоди етти баргли сариқ гул бўлганини аниқладилар. Бу топилма атиргулларнинг Марказий Осиё келиб чиқиши ҳақидаги кенг тарқалган назарияни рад этиб, Хитойнинг иккита минтақаси — қурғоқчил шимоли-ғарбий ва нам жануби-ғарбий ҳудудларини асл манба сифатида кўрсатади.

 

Олимлар 707 та генетик белги асосида геномик кетма-кетлик ва популяция генетикаси методларини қўллаб, бугунги атиргул ранг ва шаклларининг хилма-хиллиги 18-асрда Хитой ва Европа навларининг дурагайлашидан бошланган узоқ селекция жараёни маҳсули эканини аниқлади.

 

Бундан ташқари, ёввойи атиргул турларида касаллик ва қурғоқчиликка чидамлилик каби фойдали хусусиятлар мавжудлиги қайд этилган. Бу топилмалар келажакда иқлим ўзгаришига мос, бардошли ва чиройли навларни яратишга хизмат қилиши мумкин.