Тошкентда автомобил ва мотоцикл тўқнашиб кетди
Оқибатда ҳайдовчилардан бири вафот этган.
Бугун, 29 апрель куни соат 09:40 ларда Юнусобод тумани КХАЙ кўчасида ҳайдовчи М.А. бошқарувидаги Hyundai русумли транспорт воситаси ва 1986 йилда туғилган З.Ш. бошқарувидаги Кавасаки русумли мототранспорт воситаси тўқнашиши оқибатида йўл-транспорт ҳодисаси содир бўлган.
ЙТҲ натижасида Кавасаки русумли мототранспорт воситасининг ҳайдовчиси воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилиб дастлабки тергов ҳаракатлари олиб борилмоқда.
Мазкур моддада муайян ҳуқуқдан маҳрум қилиб, етти йилгача озодликдан маҳрум қилиш билан жазолаш белгилаб қўйилган.
