Тошкент вилоятида эркак ўз жонига қасд қилди
Ҳозирда суриштирув ишлари бошланган.
Тошкент вилоятининг Юқоричирчиқ туманида жойлашган дала ҳудудидаги ёзги «шийпон»да бир эркак ўзини осган ҳолда топилди. Ушбу ҳолат бўйича ижтимоий тармоқларда тарқалган хабарларга изоҳ берилди.
Бош прокуратура матбуот хизмати раҳбари Ҳаёт Шамсутдиновнинг маълум қилишича, воқеа 30 апрель куни содир бўлган. Аниқланишича, 1987 йилда туғилган, Тошкент шаҳри Бектемир туманида яшаган фуқаро Y.V. Тошкент–Оҳангарон магистраль йўлининг чап томонида жойлашган “Автомобилларга газ тўлдириш компрессор шохобчаси” қаршисидаги шийпонда ўзини осиб, жонига қасд қилган.
Ҳозирда суд-тиббий экспертиза тайинланган бўлиб, марҳумнинг бу ишга нима сабабдан қўл урганига аниқлик киритиш мақсадида суриштирув ишлари олиб борилмоқда.
