Тесла Маск ўрнига янги раҳбар излашни бошлади
Инвесторлар компанияга тўлиқ вақт ажратадиган раҳбар қидиришмоқда.
The Wall Street Journal маълумотларига кўра, Тесла кузатув кенгаши Илон Маск ўрнига компанияга тўлиқ вақт бағишлай оладиган янги раҳбар қидиришга киришди.
Бу қарор компания фойдаси ва акциялари нархи тушиб кетгани, шунингдек, Маскнинг сиёсий фаоллиги ортгани ва инвесторлар норозилиги ортиши фонида қабул қилинган.
Айни пайтда Маскнинг диққати Оқ уйдаги эҳтимолий сиёсий фаолиятга қаратилгани ҳам кузатув кенгаши аъзолари ва айрим инвесторларни хавотирга солмоқда.
Маълум қилинишича, кузатув кенгаши янги раҳбар топиш учун бир неча компаниялар билан ҳамкорликни бошлаб юборган.
