Нигерияда паром ҳалокатга учради
Ҳодиса оқибатида 40 га яқин одам ҳалок бўлган.
Нигериянинг жануби-ғарбий қисмида жойлашган Квара штатида мудҳиш паром ҳалокати юз берди. Маълум қилинишича, ҳодиса Нигер дарёсида, Гбажигбо аҳоли пункти яқинида содир бўлган.
Дастлабки маълумотларга кўра, паром ҳаддан ташқари ортиқча юклангани оқибатида мувозанатни йўқотиб, ағдарилган ва сувга чўккан. Ҳодиса натижасида камида 37 нафар йўловчи ҳалок бўлган.
Маҳаллий расмийлар воқеа жойида зудлик билан қидирув-қутқарув ишларини бошлаб юборишган. Ҳозирда сув остида қолганлар сони номаълум, қидирув ишлари давом этмоқда.
Ҳодиса юзасидан тегишли органлар суриштирув олиб бормоқда.
