“У олов билан ўйнаяпти” - Трамп
Трамп Путинни яна танқид қилди.
АҚШнинг президенти Доналд Трамп Россия президенти Владимир Путинни яна бир бор танқид қилиб, уни огоҳлантирди. У Трутҳ Сосиал ижтимоий тармоғида: “Владимир Путин тушунмаётгани шуки, агар мен бўлмаганимда, Россия билан аллақачон жуда ёмон нарсалар содир бўлган бўларди — ва мен жуда ёмон нарсаларни назарда тутяпман. У олов билан ўйнаяпти!” — деб ёзади.
Бу Трампнинг сўнгги кунларда Путинга нисбатан иккинчи кескин чиқиши бўлди. Душанба куни у Путин кўплаб одамларни ўлдираётганини ва бутунлай ақлидан озганини айтган ҳамда Россияга нисбатан янги санкциялар билан таҳдид қилган эди.
Трампнинг бу сўзлари Россиянинг 25 майга ўтар кечаси Украинага қилган энг йирик дрон ва ракета ҳужумига жавобан билдирилди. Ҳужумлар оқибатида бутун мамлакат бўйлаб камида 12 киши жароҳатланган, жумладан 3 бола ҳалок бўлган эди. Умумий ҳисобда Россия қуролли кучлари Украина томон 367 та дрон ва ракета учиргани айтилмоқда.
"Агенство" нашри Трампнинг санкциялар ҳақидаги огоҳлантиришидан сўнг, Россия томонидан ҳаво ҳужумлари интенсивлиги бир неча баробар камайганини қайд этди.
