Индонезия иш бозорида инқилоб
Ёш чекловлари бекор қилинди.
Индонезия ҳукумати ишга қабул қилишда ёшга оид чекловларни расман тақиқлади. Янги қонун фуқароларни тенг ҳуқуқли меҳнатга жалб этиш ва ёшга асосланган камситишларнинг олдини олишга қаратилган.
Эндиликда иш берувчиларга бўш иш ўринлари учун "маълум ёш оралиғи"ни белгилаш ман этилади. Ушбу қоидага амал қилмаган компанияларга жарима қўлланилади.
Аввал Индонезияда кўплаб иш берувчилар 45 ёшдан катта ёки ҳали "оптимал ёш"га етмаган номзодларни ишга қабул қилмас эди. Янги ёндашув аҳолининг иқтисодий фаоллигини ошириш ҳамда ишсизлик даражасини пасайтиришга хизмат қилиши кутилмоқда.
