Россияда ходимларга чарчоқ сабабли пуллик таътил берилиши мумкин

 

Россия корхоналари ходимлари яқин орада чарчашга қарши қўшимча пуллик таътил олиш ҳуқуқига эга бўлишлари мумкин. Замонавий сиёсат муаммоларини ўрганиш институти директори Антон Орлов меҳнат вазири Антон Котяков номига йўллаган мурожаатда айни шу ташаббусни илгари сурди.

 

Орлов Жаҳон соғлиқни сақлаш ташкилоти (ЖССТ) 2019 йилда чарчашни расмий равишда касаллик сифатида тан олганини эслатди. Бироқ Россияда ҳозирча бу ҳолат халқаро касалликлар таснифи — ICD-10'да мавжуд эмас. Мутахассис фикрича, айниқса соғлиқни сақлаш муассасалари, хоспислар, қариялар уйлари ва ит билан ишловчи соҳа ходимлари юқори хавф гуруҳига киради.

 

Орлов чарчоқ ҳолатини тиббий йўл билан тасдиқлаган фуқароларга йиллик асосда эттигача календарь кун давом этадиган қўшимча пуллик таътил тақдим этишни таклиф қилмоқда. Бу таклиф меҳнат қонунчилигига тегишли ўзгартиришлар киритишни назарда тутади.

 

Аввалроқ Россиядаги айрим компаниялар ходимлар чарчоқларини камайтириш мақсадида махсус дастурларни амалиётга жорий эта бошлаганди.