Термизда “свет ўғриси” аниқланди
У давлатга 300,5 миллион сўмлик зарар етказган.
Сурхондарё вилоятининг Термиз туманида жойлашган умумий овқатланиш шохобчасида ноқонуний электр сарфи аниқланди.
"Ўзенергоинспекция"нинг вилоят бошқармаси, вилоят прокуратураси ҳамда Ички ишлар бошқармаси билан ҳамкорликда ўтказилган назорат тадбирида, “З. Ш.” МЧЖга қарашли бинода электр энергияси ҳисоблагичдан четлаб ўтиб, яъни тўловсиз тарзда ишлатилгани аниқланди.
Дастлабки ҳисоб-китобларга кўра, бу қонунбузарлик туфайли электр таъминоти корхонасига 300,5 миллион сўмлик зарар етказилган.
Ҳозирда мазкур ҳолат юзасидан терговга қадар текширув ишлари олиб борилмоқда.
