Японияда туғилиш бўйича 126 йиллик антирекорд янгиланди
Олимлар бундай ҳолат 2039 йилгача содир бўлмаслигига ишонишган эди.
Японияда 2024 йилда қайд этилган туғилишлар сони мамлакат тарихидаги энг паст даражага етди. Расмий маълумотларга кўра, ўтган йили бутун мамлакат бўйича атиги 700 та туғилиш қайд этилган — бу кўрсаткич сўнгги марта 1899 йилда кузатилган, яъни 126 йил аввал.
Мазкур ҳолат демографик инқироз бўйича жиддий хавотирларга сабаб бўлмоқда. Илмий таҳлилларга кўра, олимлар бундай паст кўрсаткичга Япония фақат 2039 йилда етади деб тахмин қилишган эди. Бироқ бу рақам кутилганидан 15 йил аввал рўй берди.
Мутасаддиларнинг таъкидлашича, туғилиш даражасининг пасайишига иқтисодий беқарорлик, уй-жой муаммолари, иш ва оила мувозанатини сақлашдаги қийинчиликлар, шунингдек, ёш авлоднинг никоҳ ва фарзанд кўришга бўлган қизиқишининг сусайиши таъсир қилмоқда.
Япония ҳукумати аҳоли сони камайишига қарши бир қатор дастурлар устида иш олиб бормоқда. Жумладан, болали оилаларни молиявий қўллаб-қувватлаш, меҳнат бозоридаги мослашувчанликни ошириш ва бола парвариши инфратузилмасини яхшилаш режалаштирилган. Бироқ мутахассислар бу чоралар етарли эмаслигини ва кескин стратегик ўзгаришлар талаб этилаётганини таъкидлашмоқда.
